සරල ගැටුම් සහ ආවේගී ආතති (I කොටස) - හඳුනාගැනීම

ව්‍යවහාරික ගණිතයේ ඉතා වැදගත් කොටසක් තමයි මේ ආරම්භ වෙන්නෙ. සාමාන්‍යයෙන් රචනා ගැටළුවක කොටසක් විදිහට තමයි මේ කොටසට අදාල ප්‍රශ්න ලැබෙන්නෙ. කෙටි ප්‍රශ්න 10 තුලත් බොහෝ විට මීට අදාල ප්‍රශ්න තියනව. ව්‍යවහාරික ගණිතය ප්‍රශ්න පත්‍රයේ ලකුණු 100න් 10ක් පමණ මේ කොටසින් ලබා ගන්න පුළුවන්.

පාඩමට ප්‍රවේශයක් ලෙස ගැටුමක් ඇති වන ආකාරය සරලව පැහැදිලි කර ගැනීම අවශ්‍යයයි. උදාහරණයක් ලෙස පහත අවස්ථාව සලකන්න.

සුමට තිරස් මේසයක් මත අරයෙන් සමාන ගෝල දෙකක් තබා, කේන්ද්‍ර යාකරන රේඛාව දිගේ ප්‍රවේග ලබා දුන් විට.

ඉහත ආකාරයට v හා u + ප්‍රවේග ලබා දුන් විට;

v ≤ u නම් ගැටුමක් සිදු නොවේ.

v > u නම් ගැටුමක් සිදු වේ.

ඉහත අවස්ථාව ගැටළුවකදී සටහනකින් නිරූපනය කිරීමට ඉහලින් පෙනෙන ආකාරය සලකන එක පහසුයි. එවිට දැනටමත් සමතුලිත සිරස් බල (අභිලම්බ ප්‍රතික්‍රියාව හා බර) රූප සටහනින් ඉවත් කරන්න පුළුවන්. පහත රූප සටහන බලන්න.

ගැටුමක් සම්බන්ධව ගණනය කිරීම් වලදී ඊට අදාල අවස්ථා 3ක් පිළිබඳව සලකා බැලිය යුතුයි. එම අවස්ථා ක්ෂණිකව සිදු වෙන බැවින් ප්‍රායෝගිකව හඳුනා ගැනීම අපහසුයි. දැන් අපි බලමු ඒ අවස්ථා 3 මොනවද කියල.

පිළිතුරක් ඉදිරිපත් කිරීමේදී ඇතිවන සංකීර්ණතා අවම කර ගැනීමට මෙම අවස්ථා 3ම අපට සරලව එක රූපසටහනකින් පෙන්වන්න පුළුවන්, පහත දැක්වෙන ආකාරයට.

දැන් හැමෝටම අවබෝධයක් ඇති ගැටුමක් කියන්නෙ මොකක්ද කියල. ඒ වගේම ගැටු‍මකදි අපට වැදගත් වන අවස්ථා 3 හා එම අවස්ථා රූප සටහනේ දක්වන ආකාරය ගැනත් පැහැදිලි ඇති. දැන් පාඩම පටන් ගන්න සූදානම්. ඊලඟ කොටසින් හමුවෙමු.

සැකසුම: යසස් ගුණරත්න විසිනි.

Share on Google Plus

Copyright Information

No part of this article (excluding images) may be reproduced, stored in or introduced into a retrieval system, or transmitted, in any form or by any means (electronic, mechanical, recording or otherwise), without the prior permission. Images on this article belong to their respective owners.